22/07/2024
Me heştemîn hevdîtina parvekirina tecribeyan di 28ê adarê de organîze kir ku rêkxistinên Piştgiriya Mafan li wir behsa “mînakên baş” ên xebatên xwe kir. Di hevdîtinê de Komeleya Mafên Mirovan (IHD), Komeleya Kampanyaya Cilûbergên Paqij (Temiz Giysi), Komeleya Mafê Tenduristiyê, Komeleya Parastina Heyberên Kulturî û Siruştî ya Diyarbekirê (DKVK) û Komeleya Xebatên Polîtîkaya Civakî, Nasnameya Zayendê û Meyla Zayendî (SpoD) tecribeyên xwe bi me re parve kirin.
Rêkxistinan behs kir ka çawa bûne parçeyekî torên ku ew jî di nav de ne, hebûna wan a di torê de bandoreke çawa li rêkxistinê dike, bi çi awayî berpirsyarî wergirtine û çawa hewl dane ku xebatên xwe yên li vir domdar bihêlin. Neqil kirin ku beşdariya li kongre û civînên li torê hem hevgirtina han û hem jî berbiçaviya navneteweyî zêde kirine, hem jî dê peydakirina piştgiriya navneteweyî hêsantir be gava ku bê xwestin baldarî li ser îhlalan be. Hat qalkirin ku astenga zimanî car caran dibe pirsgirêk û mimkin e li vir hemû kar li ser milê kesekî bimîne. Herweha hat nîqaşkirin ka piştgiriya toran û rêkxistinên di nav toran de bo kampanyayan û agahdarbûna ji xebatên tor û rêkxistinan a di ser torê re çiqas xwedî bandoreke baş e.
Em dê hevdîtina xwe ya paştir a parvekirina tecribeyan di 9ê gulanê de li ser alîkariyên zad û xwarinan bikin.